عفريت فانوس هذا الايام
لقيت فانوس مرة ودعكتة ....طلعلى عفريت قالى شبيك لبيك قلت خلاص الذل ودعتة
ويا عفريت بالطلبات ها هريك قالى هأو أو يا انسان.... د انا عفريت مارد ابن جان ميهمنيش
مكان ولا زمان .... واطلب وانا عندى البرهان .... قلتلة عايز قمح زرع مصر ... ومسئولين يبطلوا
فشر وحكومة متعصرنيش عصر ... ومرتب يكقى لاخر الشهر وعايز عيش بدون طوابير ... وانفلق
حكومى بدون تبذير وانتخابات مفهاش تزوير ... ورئيس سابق اشوفة كتير وعايز فى بيتى شكار
دقيق ... وسبب مقنع لاى حريق ومجلس شعب بدون تصفق ... وفى كأس العال لينا فريق
وعايز مرة ازور شرم الشيخ واشرب مرة عصير بطيخ ... وصباعين كفتة من اللى فى السيخ
واخرج من القسم بدون تلطيخ .... ونفسى الضحكة ترجع تانى ... وحتة لحمة كندوز او ضانى
وجنية مصرى زى البرانى ... ورصيف للمشى انا وخلانى ... رد علية العفريت بغشم...وقالى
يا مصرى مكنش اعشم بص ... انا ممكن انقل الهرم واسد الازون اللى اتخرم وارجعلك الأكل
ا اللى اتهضم ... واقولك شرم برم بس طلباتك طلبات ملموس ... عقلة خلاص أكلة السوس
... دة تخطيط يا بنى ومدروس انك تعيش على طول موكوس ... واحنا بناخد منكم دروس
ازى تخلى الجن متعوس ... ويا ريت ترجعنى الفانوس تانى وزى بعضة اعيش محبوس
بدل ما اتبهدل زيك ويتلم موكوس على متعوس .
الثلاثاء 15 يناير 2019 - 14:13 من طرف حنكشوه
